Kem ka CBI ïa u Project Director ka NHAI halor ka jingkynnoh ba dawa pisa 12 lak tyngka na u Kontraktor

Shillong, Naitung 06 : Ka Central Bureau of Investigation (CBI) ka la kem ïa u Project Director ka National highway Authority of India (NHAI), Shillong ha ryngkat bad arngut ki riew paidbah haba ïadei bad ka jingkynnoh dawa pisa ba 12 lak tyngka haba ïadei bad ka jingsiew pynkhuid ïa ka bill ba sahteng u Contractor ba kot 13.38 klur tyngka.
Kat kum ka jingong ka CBI, ïa kane ka case la register ha ka 1 tarik Naitung hadien ka jingïoh pdiang ia ka jingujor ba kynnoh ba une u Heh ka NHAI ula dawa ïa ka pisa ba 12 lak tyngka ban pynlait noh ïa ka bill ba sahteng.
Ka CBI ka pyntip ba u nongmudui ula shah dawa ban siew nyngkong 4 lak tyngka kum ka jingsiew lypa lyngba ki nongpynbeit ha Guwahati.
Ka CBI kala pynap shrip bad kala ïoh kem ïa uwei na kine ki riew paidbah ba shah kynnoh donkti ha ka por ba u dang pdiang ïa ka song pisa ba 4 lak tyngka ba dawa.
Hadien kane ka jingkhynra, ka CBI ka la kem ïa u Project Director lem bad argut kiwei pat, bad ka jingleit khynra kala ïaid shakhmat ha ki iingsah jong ki.Ka jingtohkit mynta kala ïaid shakhmat.