Shillong, Jylliew 11: Ka kynhun Anti Narcotics Task Force (ANTF) ka South Garo Hills mynta ka sngi U Blei, kala ïoh ban kurup haduh 256 bitor ka dawai phensedyl ba 100 ml kawei, bad kem ïa lai ngut ki briew, ha ka jingkhynra ba la pynlong ha Gasuapara.
Kat kum ka khubor, ïa kane ka jingkhynra la pynlong halor ka jingïoh khubor kaba thikna bha ïa ka jingdon kine ki dawai pynbuaid ha kawei ka ïing ha Gasuapara.
Ka ANTF kala kem ïa lai ngut ha ka jingkhynra bad ïa kine ki register case ha Baghmara kat kum ki kyndon jong ka NDPS Act. Ka jingtohkit mynta kala ïaid shakhmat.
Na ka liang u Director General of Police Dr LR Bishnoi haba thoh ha Twitter, ula ïaroh ïa ka kynhun ka ANTF Baghmara halor ka jingshimkhia jong ki ïa ka kam.
Lah ba kdew ba ka dawai Phensedyl, ka dei ka dawai jyrhoh bala ñiew beaiñ da ka Ministry of Health nalor ka dawai Corex bad ka Benadryl.
