Shillong, Risaw 13 : Ka la don ka jingkem ding kynsan ha ka step sngi u Blei ha OB Shopping Mall kaba ha Khyndailad.
La antad ba kane ka jingkem ding ka la jia ha ka por 5:45 baje ei ei mynstep.
Ki khubor ki ïathuh la suba ba kane ka jingkem ding ka lah ban dei na kawei ka kamra ha ka hotel ba hajan kaba don ha ka mala ba hajrong jong katei ka jingtei.
La ong ruh ba ka daw halor kane ka jingkemding ka lah ruh ban dei na ka daw ka jingthut ha ka bording. Watla katta ki pulit ki dang pynlong ka jingtohkit ban lap ïa ka daw tynrai. Ïa kane ka ding la lah ban pynlip noh ha ka por kaba biang da ka jingpoi kloi ki kali pynlip ding bad ki nongtrei hotel.
