Nongpoh, Naitung, 07: Kawei ka trok kit nar rod kaba don ïa u Registration Number WB 57 B 1028 ka la kem ding kynsan ha ka step sngi Thohdieng hadien ba kane ka trok ka la sniew ha surok Shillong Bypass hajan lad Umroi bad ieng ha katei ka jaka.
Katei ka jingjia ka la jia ha ka por kumba 9 baje eiei mynstep, ha ka por ba u nongñiah bad u nongbud jong ka Trok ki dang leit ban thied jhur bad ha katei ka por katei ka kali ka la kem ding kynsan khlem tip ïa ka daw ha ki bynta ba shakhmat jong ka kali, hynrei da ka jingpoi kloi jong ki kali pynlip ding la lah ban tem noh ïa ka ding kaba la klang hapoh ka jong ka trok.
