Kaei kaban jia ïa ka Shillong bad ïa ki shnong ba theh ñiut ha Marten : PT Sawkmie

Shillong, Jylliew 30 : U Bah P.T Sawkmie, MLA barim u la pynpaw ba ka por ka la dei ba ki wei ki shnong kiba kham pajih ba kin ïarap lem noh ïa ka Mawlai ban shah ban theh ïa ki ñiut, kiwei ki tiar kibym pyndonkam shuh bad kiwei de ki jaboh.
“Ka Mawlai ka la ïarap la sanphew snem tam ban shah theh ñiut hapoh Marten baroh ki jakhlia jakhlaid na Shillong bad ki jaka bamarjan la wan bret shapoh Mawlai,” ong u Bah PT Sawkmie.U la buh jingkylli, “Hato tang ka Mawlai ka ban kit ïa ka jaboh jong kiwei, balei kiwei kin shu pyrshah beit. Hato lada ka Mawlai ka pyrshah kumba pyrshah kiwei kaei ka ban jia ïa ka Shillong bad ïa ki shnong kiba wan theh ñiut hapoh Marten.”
U ong ruh, ka sorkar ka la dei ban pyrkhat lem ïa ngi ki nong Mawlai ym ban pyrkhat tang ïa kiwei ki bym shah pynkynriah.
“Ka issue ne ka mat Marten ha ka por ka jinglong nongmihkhmat jong nga ka la long ka issue kaba khluit bha namar nga la shimkhia bha ha kato ka por,” pynkut u bah Sawkmie.