Kane ka sorkar MDA hapoh ka jingïalam ka party NPP ka la phiel(failed) ha kiba bun ki liang ha ka jingtreikam jongka ha kine ki san snem mynta. Ïa ka jingphiel(failure) jong kane ka sorkar la ïohi ruh na kiba bun bah ki nongkynthoh ha ki soshal media bad kumjuh ruh lyngba ki lad pathai khubor.Kim lah satia ban shu pynksan jubor ne ai mark hi da lade ïa lade kumba ki la kam ha ki lad pathai khubor.
Tang khyndiat eh ban shu niewtang napdeng ki mat ba kongsan eh kiba ktah shisha ïa ka ri bad ka jaitbynriew jongngi ba kane ka sorkar MDA ka ïai kop man la ka por khamtam ka party NPP kaba ïalam ïa kane ka sorkar ba mynta. Ki artylli ki mat kiba la dep mynjur da ka dorbar thaw ain (Assembly) khlem kano Kano ka jingpyrshah wat tang uwei ruh u MLA kidei ka jingmynjur (Resolution passed by Assembly) ki dei ka mat (issue) jong ka ILP bad ka jingpynrung ïa ka ktien Khasi bad Garo ha ka khyrnit kaba phra (eight schedule).
Ka long shisha ka jinglehrain bad ka jingjah burom kaba khraw ïa ka jylla jongngi ba ka kylla kam kai ei kha-ma-kha kat kane ka kam bah kam san jong ka jaitbynriew jongngi.Ngi la shah rkhie bein bad ibein ha kiwei pat na ka daw jong kane ka jingtlot jong ki nongïalam jongngi halor kine ki mat.
Ka kam pynkynriah ïa ki Harijan na Iew Mawlong ruh kaba pynsam mut bha ïa ki paidbah ba bun.Ki kular bad pan por ban pyndep tang hapoh shi bnai hynrei man u bnai pat ki pyntud bad kop ban leh shi ban leh haduh ba sah khongreng kato ka kam bad ka dei ka pop jong ka High Level Committee (HLC) jong kane ka sorkar MDA ba la lamkhmat da ka party NPP.
Ka jingïasoi kyrkieh ïa ka MOU hapdeng u chief minister ka Assam bad chief minister ka Meghalaya ban ïa pynbeit pud noh wut wut ka la pynsohsat bad pynkyllain jalbi pynban ïa kane ka kam khap pud hapdeng kine ki ar tylli ki state.Ki kop ba dei tang maki kiba lah hynrei ki pynkulmar pynban haduh mynta.Kiba hadien kin shem jingeh pynban tang na ka daw jong ka jingbam jakhluit bad leh stad jong kine ki nongïalam kane ka sorkar MDA.
Kane ka sorkar kam da salia than ïa ka thoh ka pule(education) bad imat kim don satia ki program bad policy baroh san snem lynter halor ka thoh ka pule.Ki mat ba kongsan ki nonghikai naduh ki deficit,,adhoc,ssa,etc kam salia haduh ba ka jylla ka poi sha trai eh ha ri India ha ka liang ka thoh ka pule.
Ki enkwari (enquiry) bapher bapher ka la shu pynbiej bad pynlong kamkai lut baroh.Ka kam siat briew ha Mawlai,ha Phudkhroh, ki kam khaii dewiong,ka jingkhyllem ka dome Assembly ka la kylla biria lut ha kane ka sorkar mynta.
Ki surok khongreng man ki jaka,ki umbam umdih ki ïoh award thik thik nalor bun kiwei pat. Ki shu pyrshang buh maw nongrim bad plie kyrkieh ïa ki District/civil sub division/C&Rd block man ki jaka bad kat shaba lap ba shem tang ban lape ïa ka jingtlot jongki.
Hynrei,kaba ishyrkhei eh kadei ka jingkwah khlong lut ïa ka pisa kyndong kynshot jong ka state da kaba kyntiew ïa kata ka contigency fund kaba dei ka pisa ban pyllut tang ha ki por ba kyrkieh(emergency fund).Lada ki pyllut sa ïa kane ka fund,shen ka jylla kan mad ïa ki jingeh ha ki kam pisa (enonomic crises) kumba long ha Srilanka ha ki snem kiban wan.
Hynrei,ki ong,ba ki nang pat ban ïalehkai bad pynthamme (political game) ïa ka kam pynïaid sorkar.Ki ong ruh hana,katba u para u Chief minister u nang bha ban leh ki kambah napoh napoh,,u Chief minister pat u nang ban ïada (defence) ïa u bad i Deputy jongki pat kiba nang bha ban padiah ar dieng lai dieng ïa ki paidbah ba bun.
