Khliehriat jymmang 12: U bah Lektor Dkhar uba na East Jaiñtia Hills District, haba kren sha ki pathai khubor u la kynthoh jur da kaba ong ba ka sorkar kam don mon satia ban plie ïa u dewïong ha kaba mynta la dpn khatar snem ba la shah khang lad ban tih bad shalan ia u dewïong bad kane ka la ktah ïa ki paidbah kiba im ja kpoh da kaba trei dewïong, kumjuh la ong ba ka sorkar kam don mon ruh ban pyn ioh ïa ka ILP hapoh ka jylla.
“Ynda la dei ka por baroh ki seng saiñ pyrthei ne ki Political party kin wan phai sha u paidbah bad kin wan pynbeit ban pynjop ïa ka party jong ki da kaba pynbiej ïa ki paidbah ban sa plie noh ïa u dewïong bad pynioh ILP, hynrei kine baroh ki kut tang ha ka jingpynbeij paitbah, kumta lada ki paitbah kiba im ja na u dewiong ki sngewkhia shisha ïa kane ka mat ka la dei ka por ïa ngi ki paidbah ban pyni ïa ka jingbitar da ka kam da kaba kyntait ne boycott ban ïa shimbynta ha kane ka election shiteng samoi ne ka M.P by election bad kumjuh ruh ha ka election Assambly ha u snem 2028, namar ka sorkar ka khang dewïong tang ïa ki paitbah kiba rit ba ria bad ka sorkar kam don ka mon ban plie ïa u dewiong kan myntoi aiu ia ngi ban jied nongmih khmat” ong u bah Lektor Dkhar.
