Shillong, Naiwieng 22 : U Symbud Myntri Rangbah ka Jylla Bah Prestone Tynsong ha ka sngi Balang ula pyntip ba ka Sorkar Jylla ka la dep ai jingthoh sha ka Central Bureau of Investigation (CBI) ba kan shimti ïa ka jingtohkit halor ka jingshah siat iap ki paidbah ha Mukroh kaba la jia ha ka 22 tarik Naiwieng, 2022.
“Ngi la dep thoh ïa ka shithi. Wat na ka Sorkar Assam ruh kala dep thoh. Mynta ka rai ka shong ha ka CBI” ong u Bah Prestone haba ïakren bad ki nongthoh khubor.
Ha ka 30 tarik Nailur, ka jingïalang ïakren khappud hapdeng ki Myntri Rangbah ka Assam bad Meghalaya ki la rai ban aiti ïa ka jingtohkit ïa ka jingjia Mukroh sha ka CBI.
Namar kane, kine ki ar Sorkar ki la rai ban pynkut noh ïa ka Judicial Commission ba la thung ban tohkit ïa kane ka jingjia.
Haduh hynriew ngut ki briew kynthup ïa 5 ngut ki nongshong shnong ka Mukroh bad uwei u Pulit Forest ka Assam, ki la iap ha ka jingther kuli ki Pulit ka Assam ha Mukroh, myn ha ka 22 tarik Naiwieng, 2022.
