Ka Sorkar ka dei ban pan kaiphod na ki bor District halor ka jingjia ha Topcem: UDP Mawlai

Shillong, Nailar 27 : Ka UDP Mawlai circle ka pynpaw ka jingsngewkhia jur halor ka jingjia kaba la jia ha ka Topcem Cement Company kawei na ka karkhana dewbilat kaba don ha East Jaintia Hill District da ka jingbom pathar ki bor pulit ïa ki paidbah bad ka jingsiat teargas ïa ki paid bah.
U Vice President ka UDP Seng Kmie bad Adviser ka UDP Mawlai Circle u bah P.T Sawkmie MLA barim u la ong “Ka sorkar ka la dei ban pan ia ka kaiphod na ka bor synshar District halor kane ka jingjia balei ba na ka liang ki bor synshar district kim khot iakren ia kito ki paidbah bad sengbhalang ban sngap ia ka jingdawa jong ki bad ban iakren lang bad ka Topcem cement hynrei la shu pyndonkam pyndonkam bakla ia ka bor bad bom naphang ia ki paidbah bad halor kane ka UDP ka pynrem jur halor kane ka jingjia”.
Ka sorkar ka la dei ban shimkhia ia ka jingud ki paidbah ia ka jing lehmon kine ki cement company hapoh Jaintia Hills.Ka UDP Mawlai circle ka kyntu ia ka sorkar baka dei ban bthah ia ka ne ka cement company ba ka dei ban ai kam shwa ia ki Trai shnong bad ia ki shnong ba mar jan lym kumta ka sorkar kam dei ban shah ba kin leh katba ki mon.