Ka shong ha ki nongïalam na Delhi ban rai ïa u kyrtong BJP ha ka elekshon MP: President BJP

Shillong, Nailur 15 : U President ka BJP Meghalaya, u Rikman G Momin, u la ong ba ki bor ba halor duh jong ka BJP ha Delhi kan sa shim ïa ka rai halor u kyrtong jong ka party na ka bynta ka elekshon MP Shiteng samoi ha Shillong Lok Sabha.
U la ong ba ka state unit jong ka BJP ka la phah sha ki bor ba halor ïa ki kyrteng jong ki nongkwah ïakhun kiba don baroh 9 ngut ki briew kiba la aplai ban ïakhun na ka bynta ka Shillong seat.
“Ki bor ba halor kin shim ïa ka rai. Ngi la khot ïa ki application bad ngi la phah lut sha ki,” ong u President haba kren bad ki lad pathai khubor.
Haba kylli halor ka jingïathuh ba 8 ngut ki MLA jong ka UDP ki lah ban pynïasoh sha ka BJP, u President u la ong ba haduh mynta ym pat don kano kano ka jingtip na ki bor ba halor jong ka party halor kane.
U la ong ruh ba ka BJP Meghalaya kam pat tip la ki 8 ngut ki MLA ki la rai neem ban wan pynïasoh sha ka party. “Lehse ki dang ïakren bad ki nongïalam ba halor,” u la ong.
U President u la kyntait ruh ïa ka jingong ba ki nongïalam ka BJP ha Meghalaya ka shah ïaid lait ha kane ka kam.
U la ong ba don ki kam kiba dei ban rai da ka Central Leadership, bad kane kam mut ba ka State Leadership ka shah kyntait.