Shillong, Risaw 10: Katkum ka khubor ba la mih hynnin ka Lah Sngi U Blei ka la don ka jingbakla ha kaba ïadei bad ki nongjop ha ar tylli ki jingïakhun jong ka lympung Veteran Cup jong ka Samkhamti. Ka jingpynbeit ka long na bynta ka jingïakhun kaba nyngkong, ha kaba dei ka Friends United kaba la khur ïa ka namjop lyngba ka penalty da 5-3 ïa ka Rympei PIP.
Ka jingpynbeit ka long ruh na bynta ka jingïakhun hapdeng ka Shiparalok pyrshah ïa ka MPFV, bad ha kane ka jingïalehkai dei ka kynhun ka MPFV kaba la khur namjop lyngba ka penalty da 5-4.
Bad ki kynhun kiba la khur namjop ha katei ka Sngi Saitjaiñ ki long ka Friends United, ka MPFV, ka Sumer Veterans bad ka ïamonlang Veterans.
Ka prokram lehkai ka ban long ha ka 14 tarik Risaw ki long: Latylli FC pyrshah ïa ka Mawlynrei Veterans, bud sa ka jingïakhun hapdeng ka Nongmensong Veterans pyrshah ïa ka Lawsohtun Challengers, ka Kyllumlang FC pyrshah ïa ka Sunrisers, khadduh ka Umpling Veterans pyrshah ïa ka Nuksa FC Mawkasiang.
