Ka Mela ban pynrung kam 40 lak ngut ki briew

Shillong, Risaw 20 (PIB): U Myntri Rangbah Duh, u Narendra Modi un plie paidbah ïa ka Rozgar Mela – ka jingpynrung kam ia 10 lak ki briew – ha ka 22 tarik u Risaw ha ka por 11 baje mynstep lyngba ka video conferencing.
Ha kane ka prokram, yn ai ïa ki shithi pynskhem kam ïa palat 75,000 ki briew ba dang shu thung kam. U Myntri Rangbah Duh un ai jingkren ruh ia kito kiba la ioh kam ha katei ka sngi.
Kane kan dei ka sienjam kaba heh ban pynurlong ia ka jingbteng ka jingkut jingmut jong u Myntri Rangbah Duh ban plie lad ioh kam ia ki samla bad ka jingpynthikna ïa ka bha ka miat jong ki nongshong shnong. Katkum ki jingbthah jong u Myntri Rangbah Duh, baroh ki tnat Sorkar Pdeng ki dang trei borbah ban pyndap ia ki post kiba thylli ba la sanction.
Kito kiba ïoh kam thymmai, ia kiba la jied na kylleng ka ri, kin rung ha 38 tylli ki tnat Sorkar Pdeng. Kine kin rung ha ka kam ha ki kyrdan bapher bapher kum ki Group – A, Group – B (Gazetted), Group – B (Non-Gazetted) bad Group – C. Ki post ba la thung kam ki kynthup ruh ia ki Central Armed Force, Sub Inspector, Constable, LDC, Steno, PA, Income Tax Inspector, MTS bad kiwei kiwei.