Jowai, Jymmang 22: Ka jingïakhun ‘Semi Final’ jong ka lympung ïalehkai phutbol ba la tip kum ka ‘2nd U Adelbert Laloo Memorial Trophy’ jong ka kyrdan 3rd Division Football Tour-nament 2022 ba la pynïaid da ka West Jaiñtia District Sports Association (WJDSA) kaba la long hynnin ka sngi 21 tarik u Jymmang ha madan Kiang Nangbha Stadium Jowai.
Ha kane ka jingïakhun ‘Semi Final’ ba ar kala long hapdeng ka Khliehmuchut Shangpung pyrshah ïa ka Mookyrdup, na ka liang ka kynhun ka Khliehmuchut Shangpung kala lah ban pynliem syndon ïa ka Mookyrdup da 1-0.
Haba phai sha ka jingïakhun jong kine ki ar kynhun kala long kaba ïakhait bha n, hynrei dei ha ka minit kaba 51 jong ka kylla miet u rangïalehkai jong ka Khliehmuchut Shangpung u Arwan Phadong ula ïoh ban thep ïa katei ka shikol kaba la pynlong syndon ïa ka Khliehmuchut Shangpung ban ïoh rung sha ka phainal jong kane ka lympung mynta ka snem.
Ïa ka jingïakhun phainal jong ka ‘2nd U Adelbert Laloo Memorial Trophy’ jong ka kyrdan 3rd Division Football Tournament 2022 kan long ha ka 28 tarik (saitjaiñ) jong u bnai Jymmang 2022.
