Jowai, Naiwieng 07: Ka Lympung ba 34 jong ka Sengkhihlang kan long haka 21/04/2024 ha ka Seiñ Raij Wahiajer (Raij Ialong) West Jaiñtia Hills District. Ïa kane ka lympung kan sdang naduh ka 19,20 bad kan kut ha ka 21/04/2024, bad ïa u Mawbynna Sahnam jong kane ka Lympung ba 34 ka Sengkhihlang yn wan rah ïa u da ka Sengkhasi Shait Shait.
Na ka liang jong ka office treikam jong ka Sengkhihlang ka pynbna lypa ïa kane ka tarik ban long Lympung khnang ba ki tnad Sengkhasi bad Seiñ Raij bapher bapher ba kin ïoh ban buh ïa kane ka tarik ha ki Calendar jong ki tnad Seng jong ki.
Kumjuh na ka liang jong ka Sengkhihlang la kyrpad ïa ki President/Secretary jong ki Tnad Sengkhasi/Seiñ Raij bad ki Circle jong ki tnad Sengkhasi bapher bapher ba kin sngewbha ban ïa pyllait ïa kane ka tarik kumba la kdew haneng na ki Shad Niam kum ki Shad Suk Mynsiem ha ka Ri ki 30 Syiem bad ki Shad Sukra ha ki tnad Seiñ Raij na Ri Lum 12 Daloi khnang ba kane ka Lympung kan long kaba phuh ba phieng ha katei ka sngi. Kane ka long katkum ka jing pyllait khubor u Rgh, S. Sari Publicity Secretary ka Sengkhihlang.
