Shillong. Risaw 21: Ha ka janmiet ba itynnad jong ka shnong Mawklot, ha ka 20 tarik u Risaw 2022 i Dr TK Kharbamon, Vice Chancellor jong ka MLCU la pyllait ïa ka kot ba kyrteng “The Welsh Presbyterian Mission in Sylhet, Bangladesh and Jaintia Hills, India – Memoirs of the Lewis Family” ba la thoh da ka Marilyn Lewis ka khun na ka longiing jong ki Lewis ki Missionary na Wales.
Na ki thup shithi ba bun jong ki kmie ki kpa, ka Marilyn Lewis kaba mynta ka shong ka sah ha New Zealand, ka la buddien ban ïathuh shaphang ki jingïakynduh jong ki kum ki missionary ha ki snem 1933-39 ha ri India. Ha kaba kynthoh halor kane ka kot, i Dr Kharbamon i la ong ba kane ka long ka ‘thup ba la pynwandur ha ki kyntien’ shaphang ka jingaiti bad jingshakri jong ki Missionary.
Ïa kane ka program la pynlong ha ka Chapel jong ka JRTC ha Mawklot bad ïa ka jingïalang la pynïaid da i Rev Dr BS Sohkhlet, Vice Principal ka College.
Kane ka long katkum ka jingpyllait khubor u Rev EH Kharkongor Associate Professor, School of Theology & Religious Studies, MLCU.
