Ka jingteh lakam khyndiat ïa ka blood pressure ka long kaba donkam

0

Wat ka jingteh lakam kaba malu mala tang da kaba shu dih ïa ki dawai ba la pyndonkam na ka bynta ban sumar ïa ka blood pressure ruh ka long kaba donkam bha na ka bynta ki paid nongshong shnong kiba la tymmen kiba don ïa kane ka jingshitom, ong kawei ka jingpule bniah.
Katkum ki khana pateng, kiba bun na ki nongai dawai bad ki nongsumar ki la pyrshang ban lah ban teh lakam ïa ka systolic pressure- ka jingkiew jong ki ar tylli ki jingthew ïa ka blood pressure- sha ka 140 lane duna. Dang shen, kita ki jingai jingmut ba la pynkylla hapoh US mynta ki ai jingmut ba na ka bynta ki rangbah kiba la palat ïa ka rta 60 snem, ka jingpyrshang ban don ïa ka systolic pressure sha ka 150 lane duna ka long kaba donkam bad kaba biang bad kata ka jingbishar bniah ba ïar bha halor ka jingpyndonkam ïa ki dawai dashin na ka bynta ban pynduna ïa ka blood pressure ka la pynshisha ïa kane.
“Ka thong na ka bynta ban don ïa ka systolic pressure ba 140 lane hapoh ka 140 ka long kaba la slem bha bad ka dang don ka jingartatien napdeng ki katto katne ki nongai dawai ne ki nongsumar ïa ka koit ka khiah ha kaba ïadei bad ka jingpdiang ia kane ka blood pressure kaba kham heh”, la ong u nongthoh ba pawkhmat jong kane ka jingpule bniah, u Leah Goeres na ka Oregon State University hapoh US.
“Kaba pynbiang ia ka systolic pressure na ka bynta kito ki rangbah ba la kham tymmen hapoh jong ka 150 ka long kaba donkam bha, ka long kaei kaba ngi ñiew ba ka dei ka jingteh lakam ba malu mala ne tang khyndiat”, la bynrap shuh shuh u Goeres. “Tangba na ka bynta ki briew ba la kham tymmen kane ka jingthew ruh ka la bha eh. Hadien ka jingbishar bniah kaba sani bha, ym shym la don kano kano ka sakhi ban pyni ba ka jingai jingsumar kaba kham kyrpang ka long kaba donkam”, u la ong.
Ka phang kaba ïa dei bad haduh katno ka jingduna ka long kaba la duna palat, ki stad wad bniah ki la ong, ka long kaba donkam namar ba ka jingdih ïa ki dawai blood pressure ka lah ban wanrah khama-kha ia kita ki side effect ne ki jingktah kylla jong ki dawai, kiba nang jur shuh shuh katba dih kham bun shuh shuh ki dawai.
Ka High blood pressure ka dei ka jingshitom kaba ktah bha ïa ka koit ka khiah jong u briew hynrei ka long kawei na kiba bun ki jingpang ba lah ban sumar tang da kaba shu dih dawai lada kiwei kiwei pat ki jingpyrshang kum ka jingkiar ïa ka bam, ka jingkilan met, ka jingpynbiang ïa ka jingkhia thew bad ka jingsngaid lane ka jingpyn kylla ïa ka rukom im ki pyni ba kim pat biang pura satia na ka bynta ban teh lakam ïa ka blood pressure.

Leave A Reply

Your email address will not be published.