Ka jingsdang ïa ka CM Impact Guidebook ka la kyntiew ïa ka pass percentage: Sanbor Shullai

Shillong, Ïaïong 16: U MLA ka BJP na South Shillong u Bah Sanbor Shullai u la ïaroh ïa ka jingpyrshang ka sorkar ban kyntiew ïa ka pass percentage jong ka eksam Secondary School Leaving Certificate (SSLC) bad u la ïaroh ïa u Myntri Rangbah na ka bynta ka jingsdang ïa ka CM impact guidebook.
U Bah Shullai u la ong ba kum kine ki jingsdang ki la ïarap ban kyntiew ïa ki khynnah kiba tlot ka ïoh ka kot bad ki bym don ka lad ba kin leit khreh kot ha ki jaka ba shimet ne ki skul. U Bah Shullai u la ïada da kaba ong ba bun bun na ki samla pule kiba ka kyrdan jong ki ka long pdeng bad kiba hiar ka average ha ki jingpule jong ki, ki la ïoh shibun ki jingmyntoi da kane ka jingsdang ban ïarap pyrnkhreh bad ban pass ïa ki eksam.
U Bah Shullai u la ong ba ka jingkiew ha ka pass percentage kadei na ka daw ba la shim khia da u Myntri Rangbah bad la kyrmen ba da kane ka sienjam ka jingpule ha ka jylla kan dang kiew bad yn lah ban kynjoh sha ka thong kaba 100 percent.