Ka jingsdang dih duma ka jingsdang khot ïa ka jingïap, pynbna ki samla pule ka Synod

Shillong, Jymmang 08: Mynta ka sngi ka Synod College ka la pynlong ïa ka jingïaid paidbah ïa ki samla pule na phylla ka college sawdong ka Mawkhar bad Jaïaw pdeng bad poi biang sha Kolej.
Ka jingïaid paidbah da ki samla pule ka long ban pynsngewthuh sha ki paidbah ïa ka jingsniew na ka jingdih duma bad bam duma, ha kane ka jingïaid paidbah ki la ïapyrshah ban ong em ïa ka jingpyndonkam ïa u duma.
Ha ki jingthoh kaba ki la rah la ong ba ka kam khaïi duma ka dei ka kam ban pynïap, la thoh pynduh noh ïa ka jingpyndonkam ïa u duma shuwa ban pynkut ïa ka jingim bad ka tdem kaba ring ka long kum ba khot ïa ka jingïap.
Ha ki pla karad la thoh ba ka jingsdang ban dih duma ka dei ka jingsdang ban khot ïa ka jingïap, la kyntu ba wat juh pyrshang ban dih duma, kila ïa pyrta ban pynsngewthuh sha ki paidbah ba dei ban ong em ïa ka jingpyndonkam ïa u duma.