Ka jingrakhe shispah snem bad Proseshon Iukharist ka Balang Katholik Pasyih kan ïaid beit katkum ki prokram: B. Siangshai

Jowai, K’Lyngkot 28: Ka jingrakhe jingdap shispah snem ka Balang Katholik Pasyih, ka jingkyrkhu ïa ka Iingmane bathymmai bad ka Proseshon Iukharist jong ka Parish Mooksiang (Phramer) West Jaiñtia Hills District kan long hi ha kane ka 29 tarik mynta u bnai (29/01/2023) ha shnong Pasyih bad ki prokram kin long kumba la pynkhreh ka jingiapher ka long hadien ba la mih ka hukum na u District Magistrate, West Jaiñtia Hills District Order U/S 144 GrPC dated Jowai, the 25th January 2023 la khang ban pynlong jingïaseng na madan kaba la mut ban pynlong bad la pynkynriah noh sha ka madan kaba don ha phyllaw ïingmane bathymmai.
Ha ka 29/01/2023 ka jingkñia Mass Iukharist bakhuid kan long hi ha ka por 10 baje mynstep bad ha shwa ka jingkñia Mass bakhuid yn don ka jingkyrkhu ïa ka ïingmane bathymmai bad ha ka por 1:30 nohphaisngi kan don ka Proseshon ukharist.
La khot la wer ïa ki para-khristan na ki Parish bapher bapher jong ka Jylla ñiam Jowai bad nabar ba kin ïawan shongshit ha ka ban ïa sakhilang ïa kane ka jingrakhe jingdap shispah snem ka Balang Katholik shnong Pasyih, ka jingkyrkhu ïa ka Iingmane bathymmai bad ka Proseshon kaba shisien shisnem jong ka Parish ka ban long ha shnong Pasyih. ïa kane la pyntip da u ma Bonyfirst Siangshai uba dei u Publicity Secretary, ka Centenary Celebration ka Balang Katholik Pasyih.