Ka jingpyntip na ka Lumjingthang Komiti sha kiba don lum jingtep

0

Shillong, Rymphang : Ka Lumjingthang Komiti ka buh ka jingkyrpad ïa kiba haïing kiba hasem jong kito kiba ieid kiba thoiñ, kiba don ïa u lum jingtrep ba la shna ha ki snem kiba la leit, hapoh ki bynta ba la ker bha shabar jong ka ‘Eco Freiendly Crematorium,’ ba kin sngewbha ban wan ïakynduh ïa ki nongkitkam kiba hakhmat jong ka Lumjingthang Komiti jong ka Seng Khasi Ri Raid Laban ha lane shwa ka 25 tarik mynta u bnai, bad ki lah ruh ban phone shau Secretary Lumjingthang u Rgh. L.Rynjah 876875-61910 / 9612022741, Chairman Lumjingthang Rgh. B. Marbaniang ph-96126-94692.
Na ka liang u Secretary ka lumjingthang komiti lyngba une u kyrwoh u pyntip ba ka komiti kan pynbha ïa ki katto katne ki bynta ha Lumjingthang ha kaba ka jingdon jong ki lumjingtep ka ktah ïa ka trei ka ktah, kumta lada ym don mano mano kiba wan ïakynduh ia ki nongkitkam kiba hakhmat jong ka Lumjingthang ha ki sngi ki tarik kiba la buh, ka Lumjingthang komiti ka la shim ïa ka rai ban pyn kynriah noh ïa ki lumjingtip kiba don ha ka Lumjing thang sha kiwei pat ki bynta ryngkat ka lehniam ka leh rukom katkum ka deiti tynrai jong ka jaidbynriew.
Ka komiti ka pyntip ruh ba kine ki lumjingtep ki kynthup ïa ka jingtep jong Sabibon Nongpiur, kmie ka Puri Thawmuidih, Donbok sing Nongpiur, PL Nongpiur (Bah Bing), Kpa ka slo Thawmuidih, Dili Shabong, Hintis Wahlang, Hedson Khongsngi ryngkat ki phra tylli kiba ka Lumjingthang kam lah shuh ban ithuh ia ki kyrteng jong ki.

Leave A Reply

Your email address will not be published.