Jowai, Nailur 04: U Deputy Commissioner (Election) ka West Jaiñtia Hills District, Jowai ula pyntip ba ka Election Commission jong ka Ri India, kala ai hukum ban pynbiang ïa ka Draft Photo Electoral Roll jong ki Assembly Constituency ha ka District katkum ka 01.012025.
Halor kane, kito ki Nongshong Shnong kiba la dap 18 snem ka rta katkum katei ka tarik, ki bym pat don kyrteng ha ka Draft Electoral Roll ki lah ban pynrung kyrteng ïalade ha ka Polling Station ba ki shong ki sah, kumjuh ruh ban ot ne weng kyrteng ïa kito ki ba la ïap ne phet shnong noh bad ïa ki jingbakla ruh yn pynbeit ha kane ka por.
Ha ka jingïadei bad kane, ïa ka Draft Photo Electoral Roll yn pynmih haka 29.10.2024 haka ophis jong U District Election Officer, ki Electoral Registration Officer bad lyngba ki Booth Level Officers ha ki Polling Station. Ïa ki jingtyrwa bad jingdawa ne jingujor kyrteng yn pdiang naduh ka 29.10.2024 haduh ka 28.11.2024.
Ha kaba ïadei bad kane ka kam u Deputy Commissioner ula kyrpad jur ïa ki paidbah ba kin sngewbha ban ïarap lem ïa ka ophis ha kine ki bynta harum khnang ba kane ka kam kan long kaba ïaid beit ïaid ryntih. Kata ka long naduh ka 29.10.2024 haduh ka 28.11.2024.
1. Ha shwa jong kane ka jingpynrung kyrteng thymmai, kumba la kdew haneng, kan don shwa ka House to House Verification jong ki BLOS ha manla ki Polling Station, kaba la sdang naduh ka 20.08.2024 haduh ka 18.10.2024. ha kane ka H2H Visit, ki BLO kin leit rung ha man la ki ïing hapoh jong ka Polling Station ban pyntikna na ki nongthep vote (electors), la ki jongdonkam kum ki kyrteng, rta, tarik kha, kyrteng jong ki kmie ki kpa, jaka sah bad kiwei kiwei kiba paw ha ka EPIC jong ki, ki long kiba dei ne em. Lada jia ba don kano kano ka jingbakla ha ki EPIC, ki nongthep Vote ki lah ban ujor ha U/Ka BLO, khnang ba kin pynbeit ia ki katkum ba dei. Kumta, la lyrpad ia phi ba phin sngewbha ban iarap ia ki BLOS ha kane ka kam, da kaba pynbna lane pyntip paidbah ha la ki shnong jong phi.
2. Ban pynbna paitbah ha ki shnong jong phi ba ki briew sorkar (Booth Level Officers), kin wan ha ki Polling Stations jong phi ban trei na ka bynta kane ka kam naduh ka 29.10.2024 haduh ka 28.11.2024. Kumjuh ruh la kyrpad ïa phi ba phin sngewbha ban ïarap ïa ki BLOs ha kino kino ki bynta ba ki donkam ynda ki poi sha ki shnong jong phi.
3. Ban ai jingïarap lem ïa ki Booth Level Officers, da kaba bishar sani ia ki kyrteng bad ki dur la ki ïahap ne em bad ka rta jong u/ka nongthep vote, khnang ba kan ym mih ka jingkulmar ïa ki kyrteng bad ki dur. Lada lap ïa kiba kum kine ki jingbakla sngewbha ban pyntip mar mar sha ki BLOS jong kato ka Polling Station hapoh ka shnong jong phi khnang ba kin ïoh ban leh ïa kaba donkam.
4. Ki Booth Level Agents kiba dei ki briew jong ki Political Party kiba na ki shnong jong phi hi kin ïarap ïa ki BLOS ha ki Polling Stations.
5. Ban pynshai ïa kito ki ban pynrung kyrteng thymmai kiba ha ka rta 18 snem shanong, ba ki kot (documents) kiba donkam ban pyndap Form 6 na ka bynta ban pynrung kyrteng thymmai ki long kumne harum:
A. AGE PROOF (KAWEI NA KINE HARUM):
(i) Skul lane College Certificate
(ii) Birth Certificate
(iii) Baptist Certificate
(iv) PAN Card
(v) Aadhar Card
(vi) Driving License
(vii) Indian Passport
B. ADDRESS PROOF (KAWEI NA KINE HARUM):
(i) Ration Card
(ii) Aadhar
(iii) Bank Passbook
(iv) Gas Connection Book (Kot Gas)
(v) Electricity Bill (Bill Light
(vi) Water Connection Bill (Bill Um).
C. Ar tylli ki dur passport size ba dang shen.
D. EPIC jong ka kmie lane u kpa lane kiba haïing hasem.
6. Ban pynshai ba lada don ki nongshong shnong kiba don jingbakla ha ka Electoral Roll lane ka EPIC jong ki kum ha ka kyrteng, rta, kyrteng kmie/kpa, jaka sah bad kiwei kiwei ki lah ban pynbeit da kaba pyndap da ka Form 8 bad ai ha ki BLO, ryngkat bad ki kot (documents) kiba biang katkum ba la kdew haneng (Point 4-A, B, C, D).
7. Ban pynbna paidbah sha ki nongshong shnong ba ki dei ban weng ne ot noh ïa ki kyrteng jong ki bahaiing hasem kiba la ïap lane kiba la phet shnong lah slem (khlem da wan mih shuh lano lano ruh sha shnong, wat ha ki por elekshon ruh), da kaba pyndap ïa ka Form 7 bad ai sha ki BLOS.
8. Ban pynbna paidbah sha ki nongshong shnong ba ki lah ruh ban pynrung kyrteng lane pynbeit ïa ki jingbakla bad kumjuh ruh ban weng ne ot kyrteng, da kaba pyndap Form online lyngba ka Voter Services Portal (VSP website kaba long (www.voters.eci.gov.in), Voter Helpline App (VHA da kaba download na Google Playstore) bad kumjuh ruh na ki Common Service Centres (CSCs).
9. Kin sa don ruh ki sngi kyrpang (Special Campaign Dates) ha u bnai November, 2024, ïa kiba yn sa pyntip sha phi lyngba ki BLOS. Kumta la kyrpad ïa phi ba phin sngewbha ban phah. Ïa ki nongshong shnong ba kin ïa mih paidbah kham bun sha ki Polling Station ha kitei ki sngi, namar ba ïa kine ki sngi la mang kyrpang ba ki BLOs kin don baroh shisngi ha ki Polling Stations.
10. Nalor ka 01.01.2025, kum ka tarik ba lah ban pynrung kyrteng ha ka Electoral Roll, katkum ka kyndon aiñ jong ka “Registration of Electors (Second Amendments) Rules 2022”, ba lada don kito ki ban sa dap 18 snem ha u snem 2025 katkum ki tarik 01.04.2025, 01.07.2025 bad 01.10.2025 ki lah ban nang pyndap lypa (advance) ïa ki Form jong ki mynta bad ïa ki EPIC kin sa ïoh hadien jong ka 1st April, 1st July bad 1st October 2025.
U DC u kot ïa ka jingtreilang ki Rangbah Shnong ba kin ïarap ïa ka ophis bad ka Sorkar ruh khnang ba kan long kaba ïaid beit bad kaba jop ha ka ban pynïoh ïa ka Photo Electoral kaba beit ba khuid bad ba paka.
Ïa ka jingtip ba kham bniah, lah ban phone ha une u number harum uba long a Toll- Free number: 03652-221880.
