Shillong, Nailar 14: Ki Electoral Registration Officer jong ki 41-Songsak (ST), 42-Rongjeng (ST) bad 43-Williamnagar (ST) Legislative Assembly Constituencies ki la pyntip ba ïa ka electoral roll la pynkhreh katkum ki kyndon jong ka Registration of Electors Rules, 1960. Ka copy jong ka electoral roll ka don ban peit bad ban tohkit ha ki ophis jong ki, bad ha ka ophis jong u Deputy Commissioner (Election), East Garo Hills District, ha ki por trei ophis.
Ka tarik ba la buh kum ka tarik ne ka sngi na bynta ka jingpynkhreh ïa ka electoral roll ka long ha ka 01.10.2026.
Lada, haba kdew sha kane ka tarik ba la buh, don kino kino ki jingkam ban pynrung kyrteng ïa uno uno ha ka electoral roll, ne don kano kano ka jingpyrshah ïa ka jingpynrung kyrteng, ne don jingpyrshah ïa kino kino ki jingtip kiba la thoh ha kano kano ka entry, ka dei ban wanrah ne thep ïa ka haduh 4 tarik u Nailur, 2026, da kaba pyndonkam ïa Form 6, Form 7 lane Form 8, katkum kaba dei.
Uno uno u nongshong shnong uba biang ki kyndon bad uba dei ban dap 18 snem ka rta, ne uba un dap 18 snem ha kano kano na ki qualifying dates kiba dang sah ha u snem 2026, kata, 1 tarik Risaw, 2026, u lah ruh ban thep lypa ïa ka jingkam ban pynrung ïa ka kyrteng jong u/ka ha ka electoral roll lyngba Form 6, naduh ka tarik ba la pynmih ïa kane ka jingpynbna.Kane ka jingdawa yn bishar bad rai ha ka quarter kaba dei jong u snem, katkum ka tarik kaba ïadei.
Baroh ki jingkam ne jingpyrshah kiba kum kine ki dei ban wanrah sha ki ophis jong ki Electoral Registration Officers, ne sha u Deputy Commissioner (Election), East Garo Hills, lane phah da ka post sha ka Ophis jong ki Electoral Registration Officers, bad ki dei ban poi sha ki ophis ym duna ban ïa ka tarik ba la kdew haneng.
