Mawkyrwat, Rymphang, 28: U Superintendent of Police jong ka South West Khasi Hills District, Mawkyrwat u la ai ïa kane ka jingpynbna paidbah ba namar ka jingñiew vote ha ka 2 tarik u Lber, 2023 kumta la khang ïa ka lynti ïaid kali na Lad Sakwang shaduh Jakrem bad kumjuh ruh na Jakrem sha Lad Sakwang bad ïa ki lynti ïaid kali la pynbeit kumne:
Ym shah ban rung na Lad Sakwang ka ban kiew sha DC ophis ha kaba ki kali kiba wan na Mawkyrwat bad kiba thmu ban leit sha Jakrem ki hap ban ïaid lyngba ka Lad Sakwang lyngba ka Pyndensakwang-Sakwang sha Jakrem. Nangta, ym shah ban rung na ka lynti Jakrem sha Laitlawsang. Ha kajuh ka por kiba thmu ban leit na Jakrem sha Mawkyrwat ki hap ban ïaid lyngba ka lad Mawthawpdah (Jakrem) lyngba ka Sakwang-Pyndensakwang sha Mawkyrwat.
Kane ka jingpynbna kan treikam naduh ka por 6 baje mynstep tat haduh ban da dep ïa ka jingñiew ïa ki vote.
