Shillong, Nailur 03: Laitnoh na ka bynta ka Shillong Municipal Board, ïa ka test checked ïa ki urban local bodies (ULBs) bad Town Committee ha Meghalaya ka duna ïa ka Common Bio-Medical Waste Treatment and Disposal Facilities (CMBWTF) kumba ka donkam da ka Bio-Medical Waste (BMW) Rules, 2016 ha kaba kane ka pynmih ïa ka jingbret ñuit pathar kaba long ruh ka jingma ïa ka koit ka khiah ïa ki paidbah bad kumjuh ruh ka jingpynjaboh ïa ka sawdong sawkun.
Kakum ka kaiphod Comptroller and Auditor General of India (CAG), ka BMW ha Tura ka dei kaba la theh ha ka jaka ha ka shnong Rongkhon Songittal.
Ha Jowai bad Nongpoh, ka BMW la leit ban bret da ki jaka sumar hi bad ym shym la lum da ka JMB bad Nongpoh Town Committee.
Ha ka por jong ka JPV kaba ha Rongkhon Songittal, ka jaka bret ñuit jong ka Tura Municipal Board, la ïohi ba ha BMW la don ki syringe, ki ampoules bad kiwei kiwei kiba la bret pathar.
“Ka jingbym bret ïa ki ñuit ha ka rukom kaba dei jong ka BMW ym tang ba ka ktah ïa ka koit ka khiah ki paidbah hynrei ka la pynjaboh ruh ïa ka sawdong sawkun,” ong ka kaiphod.
Shuh shuh ka kaiphod ka ong ba watla ka jingkyntiew ïa ki bio-medical waste (BMW) naduh u snem 2017 haduh u snem 2020, ïa ka jingsumar da ka Common Biomedical Waste Treatment Facility (CBMWTF) ka la kiew na ka 37 percent sha ka 76 per cent, katba ka jingpynlang ïa ka ñuit ka la hiar.
Hynrei katkum ka jingkhmih bniah pat ka pynpaw ba ka jingtreikam ka dei beit da ka CBMWTF marwei ha Shillong, kaba la wanrah ka jingartatien ïa ka jingbiang ka kaiphod jingkheiñ ba la ai da ka MSPCB sha ka CPCB.
Ka la don ka jingkiew jong ka jinglum jong ka BMW naduh ka snem 2017 haduh u snem 2020.
Kumjuh ka jingsumar jong ka BMW da ka CBMWTF ka la kiew na ka 17 percent sha ka 76 percent.
Shuh shuh ha ka snem 2019 bad 2020, ka ñuit kaba long haduh 313.9 kg/ shi sngi (25%) bad kumba 367.8 kg/ shisngi (24%) la pyni ba la leh da ka CBMWTF.
Ka jingkhmih bniah ïa ki kaiphod, ka la pyni ba naduh u Nailar u snem 2018 haduh u Lber 2021, tang ka CBMWTF kaba ha Shillong ka la treikam. Namar kata ka MSPCB ka pynbiang ïa ki lad jingtip ki bym shai sha ka CPCB ba sa mih ka jinglum jingkheiñ jong ka kaiphod ka bym dei kaba la pynmih ruh ïa ka jingkylli shaphang ka jinglah ban shaniah jong ka jingkheiñ ba la pynbiang da ka MSPCB, ong ka kaiphod.
Ha kawei pat ka liang ka CAG ka la ong ba ki lad kiba ïadei bad ka koit ka khiah ha Meghalaya ka pynmih ïa ka jinghiar jong ka kyrdan kaba khlem ïohbor na ka snem 2017 sha ka 2020 hapoh ka Bio Medical Waste Management Rules 2016, hynrei ka MSPCB kadei ban pynthikna ban bat ïa ki BMW Rules, 2016 da baroh ki jaka sumar ha ka jylla.
