Ka jingkilanmet ka pynkhlaiñ ïa ka shadem ha kaba ring bad pynhiar mynsiem ym tang ka pynwandur tylli ïa ka met ka phad, bad ka ïarap ki lad jingiada ïa ka jingjur ka jingpang sahiaw. Kiba bun ki briew kiba don ïa ka jingpang sahiaw bunsien ki kiar ban kilanmet namar ka jingsheptieng ba lah ban jur ban pur lane anlam kiwei pat ki jingshitom ba ktah kham jur ïa ka shadem, Ka jingpule bniah bathymmai ka ai jingmut ba kane ka rukom kilan met ka long kaba dei ban bynrap lang man ka por bad ka jingdih dawai na ka bynta kito kiba shitom jur bad malu mala ha ka jingpang sahiaw kaba ktah ruh ïa ka bor ring bad pynhiar mynsiem. Ki jingwad bnaih ha ka thup Thorax ki ai jingmut ba ka jingbynraplang ka jingkilan met ryngkat a jingdih dawai lane jingsumar ka lah ban ïarap shbun ia ka koit ka khiah na ka bynta kito kiba don ïa ka jingpang sahiaw.
U Celso Carvalho na ka University jong ka Sao Paulo, Brazil bad ki paralok jongu ki la shimnuksa bad ïanujor ka jingkilanmet ban pynkhlaiñ ïa ka shadem bad kita jingkilanmet ha kaba ring bad pynhiar mynsiem kiba pyni ïa ki dak ki shin ba ktah jingpang sahiar la shim nongmuna na ki 58 ngut kiba don ka jingpang sahiaw kaba jur bad malu mala ha ka jingkhmih eksamin bniah. Ïa baroh ki nongpang, kiba ha ka rta hapdeng 20 bad 59 snem, la jied naphang ban leh ïa ka kilan met Yoga ha kaba ring bad pynhiar mynsiem kaba 30 minit ar sien shi taïew haduh 12 taïew lane ban leh ïa ki kilan met nalor ka jingpynkhih met pynkhih phad ba 35 minit ar sien shi taïew haduh lai bnai.
Ïa ka bronchial hyper-responsiveness lane BHR, la leh ïa tes ha kaba sdang bad ba kut jong kane ka por bishar bniah ba lai bnai. Ka BHR ka kdew ïa ka jingsted ban rit bad at ne tyrha ki tyndong lyer ring bad pynhiar mynsiem, kaba long ka daw ba kongsan jong ka sahiaw. Ka jingbun jong ki protein (cytokines) ba pynmih ha ka por jong ka jinglong tyrha ne at ruh la shim jingkheiñ ha shuwa bad hadien ka jingpyrshang bad ki pyndap ïa kita ki jingkylli ba iadei bad ka jinglong jingim jong ki ha kaba ïadei bad ka jingpang sahiaw.
Kumba, sawphew lai ngut, kynthup 21 ka kynhun ba kilanmet ring bad pynhiar mynsiem bad 22 ka kynhun kiba jingkilan kilanphad ryngkat ki jingkilanmet ring bad pynhiar ban pynkhlaiñ ïa ka shadem, la pynlong ka jingkhmih bniah. Ha kaba kut kane ka jingwad jingtip kaba bniah, ka BHR ka la hiar ha kito jong ka kynhun ba pynkhih met pynkhih phad ryngkat ka jingkilanmet ring bad pynhiar pynsiem. Hynrei ka BHR kam shym kylla ha kito kiba la ai da ki jingkilan met tang ban ring bad pynhiar mynsiem. Ka jingbun ki katto katne ki cytokines ruh ka hiar syndet hapdeng kito kiba ha ka kynhun ba pynkhih met pynkhih phad ne kilan met ban pynkhlaiñ ïa ka shadem ryngkat ka jingring bad pynhiar mynsiem, katba ki jingpyni dak pyni shin ka jingjur ka jingshitom ka duna ban ha kato ka kynhun ba shu kilanmet ring bad pynhiar mynsiem.
