Shillong, Lber 23 : Ka jingïaseng ka KJP Provisional Synod Pdeng kaba ar kan long ha ka District Balang Kharang Presbyterian ha ki tarik 22 haduh 24 u Lber 2024. Ka Balang Kharang Presbyterian ka khot sngewbha ïa baroh ba phin ïa wan bad ïa shim bynta ha ka jingshakri Blei sha kane ka jingïaseng bah ha ka 24.3.2024. Ka shnong Kharang ka don kumba 20 kilometer na lad Smit bad ki don ki bynta ha kaba u surok u long uba kham khim.
Kumta la kyrpad ba kiba ñiah ïa ki kali ba kin long kiba husiar ban ym pynher sted ïa ki kali ki jong ki khamtam ha ki jaka ba long khongdong bad bym lah ban ïohi ïa ki kali kiba wan pyrshah ïa ki ban lait na kano kano ka jingjia ba sngewsih. Nalor kane, ka jingpyntip na ka Balang ka long kumne harum.
Ka jaka long jingïaseng kan long ha ka madan Mawbynna. Namar ba ki jaka shong kin long ruh ha ki ranab lum, la kyntu ïa kiba wan sha kane ka jingïaseng ba kin ïa wanrah ïa ki jaiñ siang khnang ba kan pynsuk ïa ki ban shong.
Baroh ki kali kiba wan na ki thaiñ Jongksha bad Lad Kharang, kin ïaid na u surok PWD shaduh ka jaka ban long jingïaseng ha kaba ki traffic police bad ki volunteer kin ïarap bad kdew ïa ki jaka pynïeng ïa ki kali kiba la pynbiang da ka Balang Kharang.
Baroh ki kali kiba wan na Mawlein, Pingwait, Dienglieng, Nongjrong bad ki shnong kiba marjan kin pynïeng ïa ki kali ha ki jaka ïeng kiba yn sa kdew da ki traffic police bad ki volunteer kiba long shwa ban poi sha ka jaka long jingïaseng. Yn ym shah ïa ki kali lait noh tang kito kiba don ïa ki car pass ne kino kino ki kali kiba donkam kyrkieh na ki daw ki bym lah kiar ban ïaid lyngba na kane ka surok shakhmat khnang ban lait na ka jingdheng kali. Na ki jaka pynïeng kali haduh ka jaka pynlong jingïaseng, hap ban iaid tang kumba kato katne minit eiei.
Yn ym shah pynïeng kali harud surok naduh Lad Kharang shaduh palat ka jaka long jingïaseng ha Mawbynna bad kane ka adong kan sdang naduh phra baje mynstep haduh san baje janmiet.
La mana ba yn ym shah ban ïa die ïa thied harud surok naduh Lad Kharang haduh kumba 500 meter palat ka jaka long jingïaseng khnang ban pyllait na ka jingkhim ha ka ïaid ka ïeng hadien ba wai jingïaseng. Ha kaba ïadei bad kane ka bynta, na ka liang jong ka Dorbar Shnong Kharang ka la pynbeit ïa ki jaka die madan na ka bynta kito kiba sngew donkam.
Namar kata la kyntu jur ba baroh kin burom ïa ka jingpynïaid jong ka shnong khnang ba kiei kiei baroh kin long kiba ïaid beit ïaid ryntih.
Khatduh ïa wai ngi kyrpad da kaba sngewrit ïa baroh kiba wan sha kane ka jingïaseng ba kin burom ïa ka jingpynïaid ryntih jong ka Balang, ka Shnong Kharang, ki traffic police bad vounteer. Ngi phah ïa ka jingkyrkhu kyrdoh ïa phi baroh kiba wan sha kane ka jingïaseng bad U Blei un don ryngkat bad phi baroh.
Contact number na ka bynta kino kino ki jingdonkam :
Shri J.Rymmai.
Mob No 9436100707