Khliehriat, Jylliew 25: Ka jingialap paidbah kaba khatsan sngi lynter halor ka ka Dharti Aaba Janjatiya Gram Utkarsh Abhiyan (DAJGUA) IEC Campaign ka la ïaid shaid shiad ha East Jaiñtia Hills District bad la lah ban pynlong ïa kane ka campaign ha ki shnongbapher bapher hapoh ka district, ïa kane ka campaign la sdang naduh ka 18 tarik mynta u bnai jylliew haduh ka 30 tarik mynta u bnai jylliew bad la buh thong ban pynlong ha ki 73 tylli ki shnong kiba don ha East Jaiñtia Hills District ha kaba la ïa shim bynta lang ruh da ki tnat treikam bapher bapher jong ka sorkar.
Naduh ka 18 trarik haduh mynta ka 25 tarik ïa ka campaign la pynlong ha shnong Tuber-Shohshrieh, Wapung, ha Ïongkaluh bad ha Bataw, ha Pamrapaithlu ha kaba la wan lang ki nongshong shnong kiba na Pamrakmai, ha Sohymphor, ha shnong Wahsarang la wan lang ki nongshong shnong kiba na shnong Lumshken bad na Iapmala, ha Byrwai ha kaba kine ki shnong ki dei kiba hap hapoh ka Wapung C&RD Block.
La pynlong ruh ha ki shnong kiba hap hapoh ka Saipung C&RD Block ba kynthup ha shnong Latyrke ba la wan lang bad ki nongshnong shnong kiba marjan kum na shnong Jaraiñ, Tluh, ha shnong Lamyrsiang ba la wan lang ki nongshong shnong kiba na Moolamylliang, ha shnong Samasi ba la wan lang da ki nongshong shnong kiba na Mynthlu bad na Umkyrpong bad ha Myntriang .
Related Posts
Ïa ka campaign la pynlong ruh ha shnong Chiehruphi ba la wan lang da ki nongshong shnong kiba na shnong Musiang Lamare bad na Nongsning, ha shnong Pyrtakuna ba la wan lang da ki nongshong shnong kiba na Sonapyrdi bad na Kuliang, ha Umkiang bad ha shnong Ratacherra.
Ha kitei ki shnong ba la pynlong ïa ka Dharti Aaba Janjatiya Gram Utkarsh Abhiyan (DAJGUA) IEC Campaign la wan ban ïa shimbynta lang da ki heh sorkar ba kynthup ki Block Development Officers (BDOs) bad ki heh sorkar na ki tnat treikam bapher bapher ba kynthup naduh ka tnat ka rep ka riang (Agriculture), Animal Husbandry & Veterinary, Fishery, Social Welfare, Tourism, PHE bad kiwei kiwei ki tnat bad ki la pynsngew sha ki paidbah nongshong shnong ïa ki jait skim bapher bapher bad ki lad ai jingiarap ba ki paidbah nongshong shnong ki lah ban ïoh na ki tnat sorkar bad kynthup kum ki skim Pradhan Mantri Awas Yojana (PMAY), Indira Gandhi National Old Age Pension Scheme (IGNOAPS), PM-KISAN, Piggery Development Scheme, Goat Farming Scheme, Dairy Development Scheme, National Livestock Mission Entrepreneurship Development Programme, Kisan Credit Card (KCC) Scheme, Pradhan Mantri Matsya Sampada Yojana (PMMSY), National Fishery Development Programme (NFDP), Megha Health Insurance Scheme (MHIS), Pradhan Mantri Jan Arogya Yojana (PM-JAY) bad kiwei kiwei ki lad ïoh jingmyntoi.
Ha ki campaign ba la pynlong ki tnat sorkar ki la pynbna paidbah ruh ïa ki jait skim lyngba ki jingthoh ha ki banners ba kynthup ruh ki skim kiba wan na ka National Health Mission, Pradhan Mantri Gram Sadak Yojana, Jal Jeevan Mission (JJM), Samagra Shiksha Abhiyan (SSA), Pradhan Mantri Jan Arogya Yojana (PM-JAY), Deen Dayal Upadhaya Grameen Kaushalya Yojana (DDU-GKY), Skill India Mission, PM Matsya Sampada Yojanana (PMMSY) bad kiwei kiwei.
Ha man la ki jingialang ialap paidbah ne campaign la sakhi ïa ka jingwan ki paidbah sha ki campaign ba kynthup naduh ki nongpyniaid shnong, ki nongkitkam bad ki dkhot jong ki Village Employment Council (VEC), ki nongtrei bad kiba pyntrei ïa ki skim MGNREGA kumjuh ruh ki nongkitkam bad ki dkhot jong ki Self Help Group (SHG) bapher bapher.