Shillong, Risaw, 30: Ka Union of Cook cum Helpers PM Poshan lyngba ki nongïalam ka la pyntip ba kan don ka jingïalang jong ki nongshet ja sngi ha ki skul kiba don ha East Khasi Hills District ka ban sa long ha Khasi National Dorbar Hall, Mawkhar, Shillong ha ka 1 tarik, Naiwieng, 2023 ha ka por 10 baje mynstep.
Ha u kyrwoh ba la phah lyngba ka Presient Kong G. Nongnong ka la pyntip ba ha kane ka jingïalang yn ïakren halor ka shithi na ka All Jaiñtia Mid-Day Workers Union (AJMWU) ban pynshai halor ki kam ba ladep trei, ban ïakren ïa ki skul ki bym pat phah ïa ka Bank Account sha ka ophis District School Education Officer bad ban ïathir ïatai halor ka jingpynkhreh na ka bynta ki nongkitkam ki ban sa leit sha Delhi.
