Ka jingeh ka mih namar ba ka ri Bangladesh kampat lah ban pynbiang ïa ki jingdonkam: Dhar

Shillong, Risaw 29: U Symbud Myntri Rangbah ka jylla uba peit ruh ïa ka tnad Commerce and Industries u Bah Sniawbhalang Dhar u la ong ba u kwah ban don bun tylli ki Land Custom Station (LCS), hynrei ki por ba ki kynduh ban a liang jong ka India lyngba ka sorkar Meghalaya kala biang lut nadong shading hynrei ka sorkar Bangladesh ban pat long ba ka kloi.
Ïa kane u Bah Sniawbhalang Dhar u la pynpaw ha ka State Level workshop ba shi sngi, halor ka phang leveraging FTA’S: Outreach progranne, kaba la pynlong da ka tnad Commerce, Ministry of Commerce and Industries jong ka sorkar India.
Ïa kane ka State Level workshop la pynlong ha Vivanta, Shillong ha kaba u Bah Sniawbhalang Dhar u la wan ban shim bynta kum u kongsan ha ka jingdon lang ryngkat bad ka Kapil Chaudhaury kaba dei ka Joint Secretary jong ka tnad Commerce Ministry of Commerce and Industries jong ka sorkar India ha ryngkat bad u Secretary ka tnad Commerce jong ka sorkar jylla u Bah CV Diengdoh.
Haba kren kum u kongsan u Bah Sniawbhalang u la ong, “Ki don ki por ba la pynbiang ïa ki surok na ka liang jong ka India katba sha Bangladesh ym pat don eiei”.
Ha kaba ïadei bad ka khaïi pateng sha shiliang pud, u Bah Sniawbha u la pynpaw ïa ka Integrated Check Post ha Dawki – Tamabil bad ka State’s Land Customs Stations. Ka Sorkar Jylla ka la tyrwa ïa ka Land Customs Station kaba thymmai ha Umkiang ha East Jaiñtia Hills bad ka la aiti ruh ïa ki jingtyrwa ban kyntiew kyrdan ïa ki Station ha Bagli, Borsora, Bholaganj, Mahendraganj bad Dalu sha ki Integrated Check Post.
U la kyntu ruh ïa ka Sorkar India ba kan pynsuk ban plie biang ïa ki phra tylli ki Border Haat kiba la don lypa ha shilynter ka khappud India – Bangladesh bad ban pyntreikam noh ïa ki Border Haat kiba la dep shna ha Huroi ha East Jaiñtia Hills.
Halor kane u Bah Sniawbhalang u la pynpaw ba ka long ba donkam ba ki ophisar kin hap ban buddien ha Delhi namar ba ki donkam ka jingkyrshan na ka sorkar kmie namar ban don ar ne lai tylli ki LCS bad la kumno kumno 35 hajar kin ioh kam ioh jam bad wat tang kawei ka LCS ka lah ban ai kam haduh 20 hajar ngut tam ki briew.
Ka jingbym lah ban pynbiang na Bangladesh ha kaba iadei bad ki surok bunsien ka buh jingeh ia ki dribar ba niah kali kiba shalan mawshun bad kiwei de ki mar, u la ong.
Shuh shuh u Bah Sniawbhalang u la ong ba kum kine ki workshop ka iarap bha ia ki nongseng kam lajong namar ba ki don ki samla jong ngi kim pat poi pyrkhat hynrei ban don kum kine ki workshop kin ioh lad ban sam lang ia ki jingshem jong ki.
Haba wan kum kine ki workshop ban don lang ki ophisar jong ka sorkar India ai ka jingai jingmut bad ki ïathuh ïa ki scheme bapher bapher ba ki dei ban ioh bad kumno ban applai bad kane ka iarap bha u la ong.
Shuh shuh u la ong ba ka sorkar India ka phah khnang ia ka kynhun ban don ka jingiadei ba jan namar bat eng teng ki samla ki ia shna ia ki tiar ki tar hynrei kim tip pat ban pyniaid iew bad teng teng haba don ka iew pat ym lah ban pynmih bun pat bad ka jingdon kum kane ka workshop ka iarap shibun ïa ki nong seng kam lajong.
Shuh shuh u Bah Sniawbhalang u la ong ba donkam ban don kum kine ki workshop ba khah khah kan iarp bha bad lada phi kynmaw ha kane Buyer and Seller Meet kaba dang shu dep bad lada pynlong shisien shisnem kim da ithuh bha bad lada ngi lah ban pynlong khah khang ngin ioh shibun jingmyntoi lyngba ka jingiasam lang ia ki jingmut jingpyrkhat bad ka jingshem ka jong ki.