Shillong, Risaw 29: Ki pulit jong ka East Khasi Hills ki la ïathuh ba ki don arngut ki briew kiba la jah rngai na Shillong ha kine ki sngi.
Kitei kiba la jah ki dei u Srijan Dey (14) uba la jah rngai naduh ka 26 tarik u Risaw, u dei uba jrong 5 phut, uba lieh bad ka khmat kaba pyllun, ka shyntur kaba jrong, ka met kaba biang bad u shñiuh uba lyngkot uba lieh-saw. U kren stet bad u don ka dak jingmynsaw ha ka liang ka diang jong ka khlieh jong u. La ïohi khatduh ïa u ba u phong ïa ka jaket rong saw, ka jeans rong saw bad ki juti rong lieh-orange.
Katba kawei pat kadei kaba la ithuh kyrteng da ka Changning Leima, 31 snem ka rta bad ka la jah rngai naduh ka 27 tarik u Risaw bad ka jrong 5.2 phut, ka dur khmat kaba pyllun, ka shyntur kaba sngur, ka met kaba heh bad u shñiuh uba lieh uba jrong. Ka long kaba jemnud bad kaba nang ban kren Hindi bad Manipuri. La ïohi khatduh ïa ka ha ka top lieh, ka jeans rong saw bad ki juti.
Kino kino kiba don jingtip ki lah ban pyntip sha u Sadar PS ha u number 8974737776, Laban PS ha u number 9362855502, ha Police Control Room ha u number 6009196479 lane sha ka Missing Desk, Crime Branch ha u number 8837282114.
Ki pulit ki la ïathuh ba ïa ka jingithuh ïa ki nongpyntip yn buh rieh.
