Shillong, Naiwieng, 20: Ka Meghalaya State Government Employees’ Federation (MSGEF) hadien ka jingïalang kaba la pynlong ha ka 9 tarik, Risaw, 2024 ka la rai ban pynlong ïa ka Federal Executive Meeting ba nyngkong jong une u snem jong baroh ki seng kiba don hapoh ka lama jong ka bad kumjuh ruh ïa kito ki seng ba la ithuh da ka Sorkar Jylla kiba kwah ban ïasnoh bad ka Federation.
U kyrwoh ba la phah da ka Secretary General jong ka MSGEF ka Kong B. Kharchandy ka la pyntip ba kan don ka jingïalang ha ka 22 tarik, mynta u bnai ha ka por 1:30 baje mynsngi ha Office Headquarter jong ka MSGEF kaba don hadien jong ka Additional Building, Secreteriat, Shillong.
Ka Federation ka kyrpad ïa baroh ki President bad ki Secretary jong ki seng bapher bapher ki nongtrei Sorkar ba kin wan khnang khnang sha kane ka jingïalang.
