Jowai, Jylliew 30: Ka lympung ïalehkai phutbol ki khynnah skul kaba la tip kum ka ‘District Level Inter School Subroto Mukherjee Cup Football Tournament 2026’ kaba la long mynta ka sngi 30 tarik u Jylliew ha Wahïajer Mini Stadium bad Multi Sports Complex bala pynïaid da ka ophis u District Sports Officer West Jaiñtia Hills District, Jowai.
Haba phai sha ki jingïakhuh mynta ka sngi haka kyrdan jong ki khynnah khynthei Under-17 (Girls) ka Achievers H/S School kala jop da 2-0 kol ïa ka Nephington Laloo Memorial Sec. School.
Ka Govt. Girls H/S School kala jop da 3-0 kol ïa ka Moodymmai Secondary School. Ka Jowai Govt. U/P RMSA School kala jop da 1-0 kol ïa ka Mihmyntdu R.C Eve Sec. School lyngba ka jingïashut Tie Breaker.
Ka Jingshai Mihngi Adventist H/S School kala jop da 1-0 kol ïa ka Amwi H/S School Thangbuli. Katba ka Amwi Thangbuli kala jop da 2-1 kol ïa ka Syiem Jingsuk School. Haka jingïakhun jong ka kyrdan Under-17 (Boys) ka H.K Singh Memorial Sec. School kala jop da 4-3 kol ïa ka Mihmyntdu R.C School haka jingïashut Tie Breaker. Ka Sawlyngdoh kala jop da 2-0 kol ïa ka Riwar Jaiñtia Sec. School.
Ka North Liberty Higher Sec. School kala jop da 5-0 kol ïa ka Nongtalang Govt. Higher Sec. School. Ha ka kyrdan Under-15 (Boys) ka Govt. Boys Higher Sec. School kala jop da 5-0 kol ïa ka Govt. Boys Higher Sec. School. Katba ka H.K Singh Memorial Sec. School kala jop da 5-0 kol ïa ka Papu Sec School.
La pyntip ba ka jingïakhun jong kane ka lympung kan bteng ha ka 1 tarik u Naitung, 2026 haka kyrdan Under-15 (boys) , Under-17 (girls) bad Under-17 (Boys).
