Ka DCA ka lah ban pyndonkam ïa ki ophisar MCS kiba don ha ki District na ka bynta ka election MDC

Shillong, Nohprah 15: U bah CVD Diengdoh u Secretary ka sorkar Meghalaya ba dei peit ïaka Personal Department la pynmih ïa ka jingpynbna sorkar ba ka tnad District Council Affairs (DCA) ka lah ban pyndonkam da ki ophisar Meghalaya Civil Service (MCS) kiba don ha ki District bad ha ki Block na ka bynta ka MDC election 2025.
Ka sorkar kala shah ïa ka DCA ba kan pyndon kam ïa ki ban thung ïa ki kum ki Returning Officer, EROS bad AERO na ka bynta ka MDC election sha ki ar tylli ki ïing dorbar ka Jiantia Hills Autonomous District Council (JHADC) bad Khasi Hills Autonomous District Council ban long ha u snem 2025.
Na ka liang jong ka tnad DCA ka la pynkhreh ïa ka MDC election ban long ha u snem 2025 tang ba ïa ka tarik dang ap ban pynbna da u Lat ka jylla, ki jingpynkhreh kila ïaid sha phrang ban pynthikna ba ka elekshon sha ki ar tylli ki ïing dorbar ka JHADC bad KHADC kan ïaid beit