Shillong, Nailar, 30: U Myntri ka tnat Pule Puthi ka Sorkar Jylla u Rakkam A Sangma ha ka sngi Thohdieng u la pyntip ba ka Jylla ka la pynrung da ka lynnong kot jong ka CBSE na ka bynta ka klas XI bad XII ha ka Science bad Commerce Streams naduh ka samoi pule jong u snem 2019-2019.
Ha ka jubab ba la wanrah hapoh ka Ingdorbar Thawaiñ, u Rakkam ula ong ba ka Jylla ka la pynrung ïa ka lynnong pule jong ka CBSE ha ka Arts stream na ka bynta ka Klas XI naduh ka samoi pule jong u snem 2024-2025 bad na ka bynta ka Klas XII yn pynrung ïa ka lynnong kot CBSE naduh ka samoi pule jong u snem 2025-2026, ha kaba ki sobjek kin long na ka bynta ka Geography, Political Science bad History.
Ka Sorkar Jylla ka la pynrung da ki kot pule NCERT naduh klas I haduh klas X na ka bynta ki sobjek ba kynthup ïa ka English, Mathematics bad Science, u la bynrap.
