Shillong, Risaw, 26: U Myntri Rangbah ka Jylla u Conrad Kongkal Sangma ha ka sngi Balang u la leit ban jurip ïa ka Shillong Government College of Engineering kaba don ha Mawlai kaba dang shna shaid shaid haduh mynta.
Ïa kane ka Kolej la shna lyngba ka jingbei pisa hapoh ka RUSA 1.0 New Professional College bad la khmihlynti ba ïa kane ka Kolej yn sa plie noh shen.
Ha kane ka jingleit jurip, la synran lang da ki Ophisar jong ka tnat Pule Puthi ba kynthuh ïa u Commissioner & Secretary u BDR Tiwari, u Secretary u Ambrose Ch. Marak uba dei ruh u State Project Director jong ka RUSA Meghalaya, u Principal Consultant jong ka RUSA Meghalaya u Bah Rangksan Mawroh, u Architect Consultant bad u Contractor.
Ïa ka Shillong Engineering College yn sa pynïasnoh bad ka skulbah North Eastern Hill University (NEHU) na ka bynta ban ai syrnot sha ki samla pule.
Hadien kane, u Myntri Rangbah u la leit jurip ruh ïa ka Cancer Wing jong ka Shillong Civil Hospital ba dang shna pynbha
