Shillong, Lber 18: U Chief Electoral Officer (CEO) ka Jylla u BDR Tiwari ula leit jurip ïa ka strong room ne jaka buh ïa ki kor EVM ha madan Polo, Shillong, kum ka jingpynkhreh ïa ka ilekshon Lok Sabha ha Jylla.
Ïa u CEO la synran da ka District Election Officer, Addl Deputy Commissioner (EL), Assistant Commissioner(i/c strong room) bad u EE ka PWD (Building).
U CEO ula bthah ïa u EE ka PWD ban pynkloi noh ïa ka jingmaramot ïa ka strong room bad ban pynthikna ba kan long kaba shngaiñ.
U CEO ula shong bishar kam ruh halor ka jingpynbeit ban phah bad pdiang ïa ki EM ha ki counting centre bad ka bha ka miat jong ki nongñiew vote.
