Nongstoiñ, Nailar 31: Ka Seng HYC Nongtrai ka la pynpaw ka jingkyrshan ïa ka Joint Action Committee jong ki 3 tylli ki Polling station kata ka Mawsimai polling station, Langdongdai poling station, Misei poling station, kaba hap ha ki 21 tylli ki shnong.
Ka seng ka kyrshan halor ka JAC kaba la buh dorkhast ha KHADC ban pynhap ïa ki sha Mawshynrut Constituency, namar lada pynhap sha Rambrai constituency ka la buh jingeh ïa ki namar ka la jngai palat.
Lada ïa nujor bad ka jingjan bad ka jingjngai, ka la kham jan sha Mawshynrut Constituency, namar tang kumba 20 kilometer tam ei ei bad lada pyn ngat ïa ki shapoh Rambrai constituency, ka jingeh ka dei namar ka surok ruh khlem pat don ka lynti syngkieng ruh ym don.
Kiba bun ki hap ban ïaid lyngba na Riangdo sha Nongstoiñ shaduh Rambrai ka jingjngai ka la palat da ki 100 kilometer tam. Ha kaba ïadei bad ka Block ruh ka la kham jan hapoh Mawshynrut Block ban ïa kaba leit sha kiwei ki Block.
Kumta na ka liang ka seng ka buh ka jingkyrpad ïa ka Selection Committee kong KHADC ba ka dei ba sngap bad ban sngew lem ïa ka jingkyrpad jong ki paidbah jong kine 3 tylli ki Polling station, ban pynhap lem ïa ki shapoh ka Mawshynrut Constituency, khnang ban buh ka jingsuk ïa kine ki nongshong shnong ïa ki jingdonkam wat hadien habud ruh.
