2nd Sohra International Half Marathon 2023 : Jop u nong Kenya ha ka Elite 21k men, ka Renu Singh na ki kynthei, ka Kong Kmoiñ ha ka Veteran
Ki kyrteng jong ki nongjop kiba la wan hakhmat ha kane 2nd Sohra International Half Marathon katkum ki kyrdan (Event) ki long kumne harum: Elite Open 21K Run Above 18 years Men 1 Elkana Kipkoech rono Kenya 1:06:29 2 Richard kiprop Kenya 1:07:23 3 Neeraj Kumar maurya India 1:08:03 Elite Open 21K Run Above 18 years Women 1 RENU SINGH India 1:10:30 2 Tamsin singh India 1:12:30 3 Agnes Mueni Mutua Kenya 1:13:51 Open Meghalayan 21K Run Above 18 years Men 1 Wolbetstar Ramsiej India 1:04:35 2 Emphius Nongrum India 1:05:25 3 Monas Bongrung India 1:06:37 Open Meghalayan 21K Run Above 18 yrs Women 1 Darishisha Iangjuh India 1:30:11 2 Phyrnai Kyndait India 1:32:06 3 Ibanriakor Lyngkhoi India 1:34:03 Open 10K Run Men 1 Daniel Lyngdoh Wahlang 0:29:09 2 Sainkuparjyrwa 0:29:35 3 Teiboklang biam 0:30:30 Open 10K Run Women 1 Gloryfy Kurbah 0:37:39 2 Inocensia Tympuiñ 0:39:13 3 Balarisha Thyrniang 0:39:43 45 Years to 55 Years Below 10K Run Men 1 Samir kolya 0:35:48 2 SynsharlinSohshang 0:36:41 3 RUDRESWAR DEKA 0:36:49 45 Years to 55 Years Below 10K Run Women 1 Smarles marwein 0:49:06 2 Snora.Lyngkhoi 0:49:10 3 Juliana wanniang 0:50:13 Veteran Above 55 Years 10K Run Men 1 Swonding Mawlong 0:36:53 2 Charan Singh 0:37:09 3 Paresh Chandra Nath 0:40:56 Veteran Above 55 Years 10K Run Women 1 Kmoin wahlang 0:51:37 2 SNORA RANI 0:54:09 3 Melina Nonglang 0:56:40
Shillong, Risaw 01: Ka Meghalaya State Olympic Association (MSOA) ha ryngkat ka jingïatreilang bad ka tnat ba dei khmih ïa ki kam ïalehkai jong ka Sorkar Jylla ka la ïoh ban pynlong ïa ka tamasa ïakop mareh kaba la tip da ka 2nd Sohra International Half Marathon kaba seisoh, bad ïa kane la sakhi ïa ka jingwanïashimbynta haduh 3140 ngut ki nongmareh kiba na kylleng jong ka ri India, kynthup ruh ïa ki hynriew ngut kiba na Kenya.
Ha kane ka kynti ba mynta, ka jingdon jong ki nongïashimbynta ka la tam saw shah haba nujor bad u snem ba ladep, ha kaba ki la don tang 700 ngut, hynrei ha kane ka sien pynlong kaba ar la sakhi ïa ka jingroi stet jong kane ka tamasa ïakop mareh ba la pynlong da ka MSOA kaba don ïa ka thong ban kyntiew ïa ka kam jngohkai (Tourism) sha kane ka jylla khamtam sha katei ka thaiñ Sohra.
Ha katei ka sngi pynlong ïa kane ka tamasa ïakop mareh la ïoh plie pyrda da u Comissioner Secretary jong ka tnat ïalehkai,u Dr Vijay Kumar ha ryngkat ka Director of Sports & Youth Affair jong ka jylla, ka Kong Isawanda Laloo, u Working President jong ka MSOA, u Bah John F Kharshiïing lem bad u General Secretary u Bah Finely Pariat bad kiwei kiwei.
Shuh shuh, ha kane ka sngi la hap ban khang surok haduh lai kynta, kaba sdang naduh ka por 6 baje haduh 9 baje mynstep. Haba phai sha ki nongjop ki la don katto katne ngut ki nongmareh napoh ka jylla (shynrang & kynthei) kiba la lah ban wan sha ki kyrdan ba kham shakhmat katkum ki kyrdan (Event) ba ki ïashimbynta. La ïoh ban sakhi ruh ïa ka Kong Kmoiñ kaba la jop ha ka kyrdan jong kiba la tymmen lane Veteran.
ïa ki khusnam sha ki nongjop la sam da u Myntri ba khmih ïa ka Sports, kata u Bah Shakliar Warjri, nangta na u MLA jong ka Sohra Constituency u Bah Gavind Mylliemngap lem bad kiwei ki riew rangbah kiba la ïa donryngkatlang ha kane ka sngi.