Jowai, Naiwieng 28: Ka lympung ïalehkai phutbol kaba la tip kum ka “3rd Sniawbhalang Dhar Football Tournament 2023” bala pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Wahiajer Stadium Wahiajer West Jaiñtia Hills District.
Haba phai sha ka jingïakhun kaba nyngkong ka kynhun Iongshiwiat kala pynliem da 2-0 kol ïa ka Morathud, ïa ki kol na ka Iongshiwiat la thep da u Kynsaibor Dkhar haka minit ba 14 bad u Stephan Dhar haka minit ba 57.
Ha ka jingïakhun kaba ar ka Bamkamar kala pynliem da 2-1 kol ïa ka Modop, ïa ki kol na ka Bamkamar la thep da u Kyrshan Nongrum haka minit ba 11 bad u Khadius Nongrum haka minit ba 71. Na ka liang ka Modop la thep da u Emlang Shadap haka minit ba 64.
Ha ka jingïakhun kaba lai ka Lapangap kala pynliem da 2-1 kol ïaka Lumlakhiat, ïa ki kol naka Lapangap la thep da u Heyboymi Myrphet haka minit ba 7 bad u Rest Ksoo haka minit ba 50. Ïa ka shikol na ka Lumlakhiat la thep da u Sanki Dhar haka minit ba 25.
Katba ha ka jingïakhun kaba saw ka Khanduli kala pynliem da 1-0 kol ïa ka Saitsama, ïa katei ka shikol na ka Khanduli la thep da u Deepsin Tokbi haka minit ba 7.
Ka jingïakhun lashai ka sngi 29.11.2023 haka por 8 shiteng mynstep kan long hadpeng ka Mynsgat pyrshah ïa ka Thadmusem, Ha ka por 10 shiteng mynstep ka Khonsaro pyrshah ïaka Umplu Umshangiar, haka por 12 baje shiteng nongphai sngi ka Nongnulieh Sehlama pyrshah ïa ka Mookhnang. Katba ha ka por 2 shiteng nongphai sngi ka Mookbu pyrshah ïa ka Madanrtiang.
