Jowai, Naiwieng 28: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai kaba la long mynta ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun na ka liang ka kynhun ïalehkai jong ka Sailung Ialong kala lah ban pynliem da 2-1 kol ïa ka 7 Wasa United, ïa kitei ki ar kol na ka Sailung Ialong la thep da u Banshan Pale haka minit ba 87 & 88. Katba na ka liang ka 7 Wasa United ïa ka shikol la thep da u Riburom Jat haka minit ba 21.
La pyntip ba ka jingïakhun mynta ka sngi 29.11.2023 kan long hapdeng ka Mukhla Raij SC pyrshah ïa ka Nangbah Mulang haka por 1 baje shiteng nohphai sngi.
