Shillong, Ïaïong 24 : Ka samla Rephica Becky Pde kaba dei ka staff jong ka tnad Excise jong ka Sorkar Jylla, ka la ïoh rah ïa ka nam ba ar ha ka jingïakop mareh marathon kaba la tip kum ka Kalimpong Ultra Marathon ha ka kyrdan ïakob mareh ba 65km.
Ïa katei ka jingïakob mareh marathon la pynïaid da ka Run ha ryngkat ka jingïatreilang bad ka Roshni Foundation myn ha ka 22 tarik mynta u Ïaïong ha Pedong West Bengal kaba la sdang na katei ka jaka kaba pynkut ha Lava.
Ha katei ka jingïakob mareh marathon la wan ban ïashim bynta ki nongïamareh na kylleng ka ri India. Ka samla Rephica Becky Pde ka la jop ha ka kyrdan ba ar da kaba pyndep ïa ka jingmareh ha ki 8 kynta 47 minit bad 29 second ha katei ka jingmareh. Ïa ka nam ba nyngkong la jop da ka Darjeeling bad ka Goa ha ka kyrdan kaba lai.
