Shillong, Nailar 08: Ka jingïalehkai jong ka lympung U-20 4th Division Football League 2023 ba la pynïaid da ka Shillong Sports Association (SSA) hynne ka Sngi Hat Majai ha madan SSA Stadium First Ground, Polo, Shillong hapdeng ki kynhun kiba na ka thup jong ka Group A, ka la kut ha kaba ka Umrynjah SC bad ka Mawlynrei ki la khur ïa ka namjop.
Haba phai sha ka jingïalehkai kaba nyngkong kaba la pynïakhun ha ka por 2: baje nohphaisngi, hapdeng ka Laitlulong SC pyrshah ïa ka Umrynjah SC, ka la kut ha kaba ka Umrynjah SC ka la pynjemkhnap da kaba pynbam haduh 4 kol ban khur ïa ka namjop.
UMalvern Lyngkhoi u la ïoh ban thep haduh 2 kol na ka bynta ka kynhun ha kane ka jingïalehkai, kata ha ka minit kaba 23 bad 28. Nangta bud sa ka kol na u Banteilang Kharrngi- 25min bad khadduh na u Franky Kurbah- ha ka minit kaba 51 jong ka kylla miet.
Haba phai pat sha ka jingïalehkai kaba la sdang ha ka por 4 baje jan miet, ka Lamlynti SC mad ïa ka namrem da 1 – 3 kol ha ka Mawlynrei SC.
ïa ka shi kol na ka bynta ka Lamlynti SC la thep da u Pynche Khyllait ha ka 60 minit.
Katba ïa ki lai kol na ka bynta ka kynhun ba jop la thep da u Banjop Mawthoh ar kol ha ka 14 bad 45 minit, nangta na u. Winestjun Dohling ha ka minit ba 17.
Ka jingïalehkai mynta ka sngi ka 10 tarik Nailar kan long jong ki kynhun na ka thup jong ka Group-B, ha kaba ka Mawphlang SC kan aireng pyrshah ïa ka Mawreng SC ha ka por 2 baje nohphaisngi, bud sa ka jingïalehkai hapdeng ka Kharang SC pyrshah ïa ka Nongkolew SC ha ka por 4 baje jan miet, bad baroh ki jingïalehkai yn pynlong ha MFA Turf, Polo.
