Jowai, Naitung 09: Ka lympung ïalehkai phutbol Independence Day Cub Under-17 Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka sngi Balang ha madan Kiang Nangbah Stadium, Dongmihsngi Jowai.
Ha kane ka jingïakhun ba nyngkong ka Mulang Ialong kala pynliem da 3-2 kol ïa ka Ladthadlaboh, ïa ki kol naka Mulang Ialong la thep da u Jeri Dhar haka minit ba 12, u Charelang Mulieh haka minit ba 51 bad u Nidaroi Mulieh haka minit ba 60+9. Na ka liang ka Ladthadlaboh la thep da u Teiborlang Malang haka minit ba 48 bad Medondor Pala haka minit ba 59.
Ha ka jingïakhun kaba ar ka Mukhla Raij kala jop da ka jingïashut Tie Breaker da 4-3 kol ïa ka 7 Wasa. Katba ha ka jingïakhun kala lai ka Dulong kala jop da 4-3 ïa ka FAM ha ka jingïashut Tie Breaker.
Ka jingïakhun mynta ka sngi 10 tarik u Nailar haka Under-17 kan long hapdeng ka ka kynhun ïalehkai jong ka Demthring kan ïakhun pyrshah ïaka Evergreen Mukhla haka por 3 shiteng nohphai sngi.
