Khliehriat, Naiwieng 26: Ka lympung ïalehkai jong ka kyrdan Super Division Football Tournament 2023 kaba la long ha kane ka sngi saitjaiñ ha madan Deinchynrum, EJHD bala pynïaid da ka East Jaiñtia Hills District Football Association (EJHDFA).
Haba phai sha ka jingïakhun kaba nyngkong ka kynhun ïalehkai jong ka R.Iawpynsing SC kala jop da 2-1 kol ïa ka Khliehriat West YWSC, ïa ki kol na ka R.Iawpynsing la thep da u Thrangdor Swer haka minit ba 17 bad u Hesmiki Rymbai haka minit ba 45+2 lyngba penalty. Ïa ka kol na ka Khliehriat West la thep da u Kerlang Tlang haka minit 44.
Ha ka jingïakhun kaba ar ka Dhana SC kala pynliem da 2-1 kol ïa ka R.Wahshnong SC, ïa ki kol na ka Dhana SC la thep da u Apphira Sumer haka minit ba 47 bad u Harita Suchen haka minit ba 68, katba na ka R.Wahshnong SC la thep da u Rajesh Lyngdoh haka minit ba 72.
Ka jingïakhun haka 30.11.2023 kan long hapdeng ka R. Iawpynsing SC pyrshah ïaka Dhana SC bad ka Sutnga SSCC pyrshah ïa ka Thangskai Tiger SC.
