Jop ka R.Iawpynsing ha ka EJHDFA 1st Division
Ïakhaid ka Wahiajer Narpuh SSC bad ka Sutnga SSCC ha ka Super Division.
Jowai, Risaw 14: Ki resol jong ki jingïalehkai phutbol haka kyrdan “Super Division” bad ka First Division League 2026 bala pynïaid daka East Jaiñtia Hills District Football Association (EJHDFA) kiba la long hynne ka sngi Balang, 14 tarik Risaw, ha Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 ha ka kyrdan “Super Division” hapdeng ka kynhun ïalehkai jong ka Wahiajer Narpuh SSC bad ka Sutnga SSCC kila ïakhaid khlem don kiba ïoh ban thep kol satia (0-0).
Katba haka jingïakhun jong ka Thomas Nongtdu Memorial Trophy haka kyrdan 1st Division League 2026 ka kynhun ïalehkai jong ka R.Iawpynsing SC kala jop da 3-2 kol ïaka Ladrymbai Dongwah SWSC, ïa ki kol na ka R.Iawpynsing SC la thep da u Rimiki Rymbai haka minit ba 9, u Vincently Dkhar haka minit ba 32 bad u Entrust Bareh haka minit ba 61. Ïa ki kol naka Ladrymbai Dongwah la thep da u Deepson Tokbi haka minit ba 20 bad u Nistelroy Dkhar ha ka minit ba 27.