Jowai, Risaw 22 : Ka lympung ïalehkai phutbol ‘Hajan Shylla Memorial Football League 2026’ jong ka kyrdan ‘1st Division’ kaba la long mynta ka sngi 22 tarik u Risaw 2026, bala pynïaid daka Thadlaskieñ Sport Association (TSA) ha madan Wahiajer Multi Sports Complex Stadium.
Haba phai sha ka jingïakhun ha kane ka sngi ka kynhun ïalehkai jong ka Khliehtyrshi SC kala jop da 2-0 kol ïaka Malngiang Mookyndur SC, ïa kitei ki kol naka Khliehtyrshi SC la thep da u Heiyo Kharsyntiew haka minit ba 54 bad u Dalang Dkhar haka minit ba 67.
La pyntip ka jingïakhun lashai ka sngi 23.10.2026 haka kyrdan ‘1st Division’ ha ka por 11 baje mynstep ka kynhun ialehkai jong ka Ummulong SC kan iakhun pyrshah ïaka kynhun ialehkai jong ka Bamkamar SC.
Katba haka kyrdan ‘Super Division’ haka por 1 baje shiteng jong ka nohphai sngi ka Nongkhroh Mawsiang pyrshah ïa ka Mookyndur SC.
