Jowai, Naiwieng 27: Ka jingïalehkai phutbol haka kyrdan Super Division Football Tournament 2023 bala ai kyrteng ‘U Kiang Nangbah Memorial Trophy 2023’ ïa kaba la pynïaid da ka West Jaiñtia District Sports Association, (WJDSA) Jowai kaba la long hynne ka sngi ha madan Kiang Nangbah Stadium, Dongmihsngi Jowai.
Haba phai sha ka jingïakhun naka liang ka kynhun ïalehkai jong ka Khimusniang kala lah ban pynliem da 4-2 kol ïa ka Mynthong.
Baroh kine ki saw kol la thep da u Precious Tang na bynta ka Khimusniang, u la thep ar kol ha ka kylla kaba nyngkong ha ka minit ba 4 bad 35 bud sa ki ar kol ha ka kylla miet ha ka 46 & 90+2 minit.
Na ka liang jong ka Mynthong ka la pyrshang hi katba lah ban pynphai hynrei ka la ïohlad ban thep tang ar kol, bad ïa kine la thep da u A Khan haka minit ba 15 nangta na u Pynkhreh Talang manit 40.
La pyntip ba ka jingïakhun mynta ka sngi ka 28 tarik Naiwieng, 2023 kan long hapdeng ka 7 Wasa United pyrshah ïa ka Sailung Ialong haka por 1 baje shiteng nohphai sngi.
