Jar kiba ai hukum ban siat tear gas, ki dei ban siew bai lutksan ïa ka ïing jongnga: Trai ïing

Shillong, Nailar 20: U trai jong kawei ka ïing kaba don marjan bad ka ophis KSU u la dawa ba ki briew kiba ai bor ïa ki pulit ha ka miet 19 tarik ban siat tear gas kidei ban siew ïa ka bai lut ksan halor ka jingpynjulor jong ki ïa ka ïing ka sem jong u.
Kane ka jingshah kawang bom pynsat khmat kadei ha ka miet sngi Balang, hadien ba la wan poi ki pulit ban leit pynjot pynpra ïa ka ophis trei kam jong ka KSU ha Jaiaw.
Ha kane ka jingkawang bom sat khmat ki pulit kila kawang sha kawei ka ïing briew bad kaba la wanrah ruh ka jingtieng jingsyier jong ki briew kiba don hapoh ïing bad ha kane ka jingjia kala wanrah ïa ka jingjulor ïa ki bynta jong ka ïing.
Haba ïa kren bad ki lad pathai khubor u trai ïing u la ong, ki pulit ki wan ha ka por 11 shiteng ne khatar duna bad ha ka por ba ki wan ngam pat tip eiei nga dang mih bad nga la ioh ba ki kawang beit ïa ki bom sat khmat bad dei ha ka ïing jong nga.
Kumta hi mar mar nga rung noh sha ïing bad peit ïa ki khun, i lok kiba la shu ïam bad lynniar ha ryngkat ka jingkyiuh bad ha ka por ba mut khang ka ïing rung sa ka tdem bad sat ki khut ki khmat haduh ba la plie, ïathuh u trai ïing.
Hadien shu dhum shut dam hangne beit ha phalor ngi la shu sawa ki bom sat khmat kiba kawang na surok bah ka lad ban rung sha ophis ka KSU mynta mynsntep ngi la iohi ïa ki bom sat khmat kiba la pynthei ha phyllaw ïing.
Haba kylli u trai ïing u la iathuh balei ki pulit kim tip ïa ka ophis jong ka KSU bad ka daw jong ka jingkawang bom sat khmat sha ki ïing basah briew te ngim tip balei ki kawang sha ïing briew.
Shuh shuh u la iathuh bay m don ktien bha ba ki pyndonkam ki pulit hynrei tang da ka tien sih tien sang suda.Ki pulit ki tip ba kane kadei ka jaka sah briew hynrei balei ki wan mynmiet namar kumba long mynshwa ki wan kim ju kawang bom hynrei ki shu rah da u lathi.
Kito kiba ai hukum ban kawang bom pynsat khmat kidei ban siew bai lut ksan la kadei ïa ka sorkar ne ki pulit ruh kumjuh namar ba kam dei ba nga leh hi ma nga ban pynjot ïa ka ïing ka sem.