Jowai, Nailur 30: Ka lympung ïalehkai phutbol bala tip kum ka “7th U Debo Shullai Memorial Trophy” jong ka kyrdan 2nd Division Football Tournament 2024 bala pynïaid daka West Jaiñtia District Sports Association (WJDSA) Jowai kaba la long ha ka Lah Sngi U Blei (30 tarik u Nailur) ha madan Kiang Nangbah Stadium Dongmihsngi, Jowai.
Haba phai sha ka jingïakhun ka kynhun ïalehkai jong ka Iawmulong Nartiang kala pynliem da 3-1 kol ïaka Luti Tuber Ialong, ïa kitei ki kol na ka Iawmulong Nartiang la thep da u Mechanki Sunnah haka minit ba 55 & 63 bad u Heinipaia Phalangki haka minit ba 78. Katba ïa ka shikol na ka Luti Tuber Ialong la thep da u Glayment Pale haka minit ba 15.
Kane ka lympung kala jam noh sha ka jingïakhun ‘Quarter Final’ mynta ka sngi 01 tarik, 2024 kan long hapdeng ka Nangbah Dukhu pyrshah ïaka Mukhla Umlangshor haka por 12 baje shiteng sngi, katba ka Shilliang Raij kan ïakhun pyrshah ïa ka Lion Sports & Youth Affair haka por 3 baje shiteng nohphai sngi.
