Jowai, Nailur 30 : Ka lympung ïalehkai Semi Final jong ki 40 snem shaneng ne ka ‘40 Above Veteran Knockout Football Tournament-2022′ bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Dongmihsngi, Jowai.
Ha ka jingïakhun kaba nyngkong ka Rympei Pip ka la lah ban pynliem ïa ka Western United da ka jingïashut Tie Breaker da 5-4 kol. Haba phai ha ka por jingïakhun kine ki kynhun kila ïakhaid da mar 1-1 kol, ïa ka kol na ka Rympei Pip la thep da u Moonlight Byrsat ha ka minit ba 8, katba na ka Western United la thep da u Charlie Syiemlieh ha ka minit ba 36.
Haba phai pat sha ka jingïakhun kaba ar na ka liang ka Friends United kala jop da 1-0 kol ïa ka Mawryngkneng bad ïa katei ka shikol la thep da u R. Gurung ha ka minit ba 9.
